Հարգելի համագյուղացիներ,մարտի 23-ին հայտարարված է համապետական շաբաթօրյակ:Մարտի 23-ը պետք է ազդարարի ոչ թե աղբամաքրման աշխատանքների մեկնարկը,այլ ավարտը: Բոլորիս մասնակցությունը շատ կարևոր է`  ինչպես մեր բակերում, այնպես էլ համայնքի տարբեր տարածքներում:Եկեք միասին մաքրենք մեր երկիրը աղբից` սկսելով մեր իսկ համայնքից:  

Հոկտեմբերի 1-ին կյանքից 94 տարեկան հասակում հեռացավ Հայաստանի ազգային հերոս, աշխարհահռչակ ֆրանսահայ շանսոնյե Շառլ Ազնավուրը:Աշխարհը իր երգերով գերած Շառլ Ազնավուրը մնաց մարդկության պատմության մեջ որպես ֆենոմենալ մարդ, արվեստագետ, որը իր ամբողջ կյանքը նվիրելով երգ երաժշտությանը ստեղծեց ուրույն արժեք համամարդկային մշակույթում,որով կրթվել և սնվել են բազմաթիվ սերունդներ : Բյուրավան համայնքի ղեկավար` Գեղամ Հովակիմյանը և ողջ անձնակազմը խորապես ցավակցում են համայն հայությանը և հարազատներին մեծագույն հայի` Շառլ Ազնավուրի մահվան կապակցությամբ :

Սիրելի ուսուցիչներ, աշակերտներ,գիտության և կրթության գործի նվիրյալներ   Շնորհավորում եմ Ձեզ սեպտեմբերի 1-ի՝ գիտելիքի և դպրության օրվա առիթով:Առանձնահատուկ շնորհավորում եմ առաջին դասարանցիներին,քանի որ նրանք են Բյուրավան համայնքի նորաբաց մանկապարտեզի առաջին սաները: Ցանկանում եմ, որ ուսումնառության այս տարիները Ձեզ համար լինեն ամենահիշարժանն ու ամենաարդյունավետը :
Մաղթում եմ Ձեզ նորանոր գիտելիքներով ,հաջողություններով ու ձեռքբերումներով լի ուսումնական տարի :

Ս/թ օգոստոսի 10-ին՝ ժամը 11:00-ին, Արարատի մարզպետարանում   ՀՀ գյուղատնտեսության նախարարության մասնագետների կողմից անցկացվելու է սեմինար-խորհրդակցություն՝ ինտենսիվ այգիների հիմնման, կաթիլային ոռոգման անցկացման և հակակարկտային ցանցերի տեղադրման աշխատանքներին նվիրված ծրագրերի վերաբերյալ: Վերը նշված ծրագրերից և ցածր տոկոսադրույքով վարկերից օգտվել ցանկացող հողօգտագործողները կարող են մասնակցել նշված սեմինար-խորհրդակցությանը:  

Հունիսմեկյան ջերմ, բարի ու սիրառատ օր` Բյուրավանի մանկապարտեզում...
Շնորհավորում ենք բոլոր փոքրիկներին երեխաների իրավունքների պաշտպանության  միջազգային օրվա առթիվ, ցանկանում ենք անհոգ մանկություն  և  անսպառ ժպիտներ: